Aktivitehtaoahpu oahppit ledje kanomátkkis bearjadagas čakčamánu 14.beaivvis lávvardahkii čakčamánu 15.beaivái Mihkkalbáikkis Kárášjohkii. Mátki lei ovttasbargoprošeakta girkuin, konfirmánttat ja searvegottepedagoga Liss Utsi serve mátkái.

Mii mealuimet guovtti oasis bearjadaga ja lávvardaga, idjadeimmet Bieskkenjárgga šaldi bokte. Mátki manai bures, bárttiid haga, lihkká vaikko okta oahppi geavai johkii muhtin virkos konfirmánttaid geažil. Oahppit ledje čeahpi lávvet ja meallut, ja sii geat idjadedje fuomášedje ahte livčče varra vuogas dollagoahkka ija vuostá go suoldni loktanii. Giitu bures čađahuvvon mátkki ovddas.